Lögfesting gjaldeyrishafta
- www.opus.is :
- Forsíða ->
- Lagapunktar - Fréttabréf ->
- Tölublað 1, 2012 ->
- Lögfesting gjaldeyrishafta
Gjaldeyrishöft voru fest í sessi með umfangsmiklum breytingum á
lögum um gjaldeyrismál sem tóku gildi síðastliðið haust. Höftin
voru sett haustið 2008 skömmu eftir hrun bankanna til að hindra
útstreymi fjármagns í stórum stíl. Seðlabankinn hefur fram til
þessa mótað reglurnar sem höftin byggjast á og gefið þær út með
samþykki efnahags- og viðskiptaráðherra. Með lögfestingu reglnanna
kvað löggjafinn upp úr um það að höftin verði lengur til staðar en
ætlað var í upphafi. Nýleg lagabreyting þar sem hert var á höftunum
staðfestir þetta.
Gjaldeyrishöftin hafa gríðarleg áhrif á íslenskt viðskiptalíf, sem
og almenning. Meginreglan um frjálsa fjármagnsflutninga og frjáls
viðskipti með gjaldmiðilinn er nú undantekning. Regluverk haftanna
er í senn flókið og að mörgu leyti ógagnsætt. Brot á reglunum getur
haft í för með sér allt að tveggja ára fangelsi. Afar mikilvægt er
fyrir einstaklinga sem og forsvarsmenn fyrirtækja að leita sér
ráðgjafar vegna viðskipta með gjaldeyri, fjármagnsflutninga,
lántökur og fleira sem fellur undir gjaldeyrishöftin.
Sérfræðingar OPUS lögmanna á sviði bankaréttar hafa frá setningu
gjaldeyrishaftanna aðstoðað íslensk fyrirtæki og einstaklinga í því
að fóta sig í þessu framandi lagaumhverfi bæði við að tryggja að
starfsemi fyrirtækja og viðskipti séu í samræmi við reglurnar og að
annast umsóknir um undanþágu frá reglunum þegar við á.
Allar nánari upplýsingar veitir Borgar Þór Einarsson hdl. í síma
415 2200 eða á [email protected].